Coral Club компаниясынын иш-чаралары — бул мотивация, окутуу жана MLM тармагындагы көндүмдөрдү өнүктүрүү мейкиндиги. Сиздердин ар бир мүнөтүңүздөр ыңгайлуу жана жагымдуу өтүшү үчүн биз болгон күчүбүздү жумшайбыз.

Иш-чаранын ыңгайлуу өтүшү үчүн төмөнкү эрежелерди сактоону өтүнөбүз:

1. Урмат — биздин стандарт

• баарлашууда ачык жана сылык болуңуз, саясат жана дин темаларында сүйлөшпөңүз;
• чыгып сүйлөө жана Азем учурунда мобилдик телефондоруңузду үнсүз режимге коюңуз;
• залдан программада көрсөтүлгөн тыныгуу убагында гана чыгуу сунушталат.

2. Өзүбүздүн жана башкалардын убактысын баалайбыз

Программа башталышына 10 мүнөт калганда залга келишиңизди суранабыз. Бул сизге өз ордуңузга жайгашып алууга жана башка катышуучуларга тоскоолдук кылбоого жардам берет.

3. Колдоо көрсөтүү — лидердин стили

Биз үчүн ар бир катышуучуну колдоо маанилүү: сахнага чыгып, өз тажрыйбасы жана билими менен бөлүшкөн ар бир адамды кол чабуулар менен тосуп алыңыз.

4. Катышуу контенттен маанилүүрөөк

Иш-чаранын атмосферасы менен бөлүшкөнүңүзгө кубанычтабыз, бирок түз эфирлерден баш тартууну жана жеке катышуунун баалуулугун эстен чыгарбоону суранабыз.

5. Дресс-код: Smart Casual

Эгер иш-чара үчүн башка дресс-код көрсөтүлбөсө, ыңгайлуулук менен ишкердик стилди айкалыштырган Smart Casual стилин кармануу сунушталат.

Кээ бир иш-чаралар (мисалы, VIP-кечки тамактар) үчүн салтанаттуу дресс-код каралышы мүмкүн.

Бул эрежелерди сактоо иш-чарага катышуунун милдеттүү шарты болуп саналат. Каттоодон өтүү менен сиз бул эрежелерге макул экениңизди жана аларды сактоо жоопкерчилигин өз мойнуңузга аларыңызды тастыктайсыз.

Эрежелер бузулган учурда, Компания катышуучуну сатып алынган кызмат пакетинин (катышуу, жашоо, учуу, камсыздандыруу) баасын кайтарбастан иш-чарадан четтетүү укугун өзүнө калтырат.

Эгер бул шарттар сизге туура келбесе, катышуудан баш тартууну өтүнөбүз.

Түшүнгөнүңүз үчүн рахмат.